Папоўніць праязны білет можна ў касах метрапалітэна. Правесці папаўненне можна на колькасць дзён або на колькасць паездак у адпаведнасці з існуючымі відамі білетнай прадукцыі.

У цяперашні час магчымыя тры варыянты папаўнення праязных білетаў метрапалітэна:

Па заканчэнні тэрміну дзеяння або выкарыстання колькасці паездак на БСК маецца магчымасць правесці папаўненне праязнога білета або на колькасць паездак, або на колькасць сутак.
Калі тэрмін дзеяння праязнога білета на колькасць сутак не мінуў, то правесці папаўненне можна толькі на колькасць сутак. Максімальная колькасць сутак, да якой можна папоўніць праязны білет, – 45.
Калі на праязным білеце на колькасць паездак усе паездкі не выкарыстаны і тэрмін яго дзеяння не мінуў, то правесці папаўненне можна толькі на колькасць паездак. Максімальная колькасць паездак, да якой можна папоўніць праязны білет, – 60 паездак. Тэрмін дзеяння праязнога білета на 10, 30, 40, 60 паездак – 120 сутак з даты апошняга папаўнення.

Віды праязных білетаў:

На месяц. Сапраўдны на працягу каляндарнага месяца.
На 10,15,30 сутак. Дата пачатку тэрміну дзеяння білета можа быць вызначана пасажырам пры пакупцы білета і ўстанаўліваецца пры продажы, але не больш за 30 сутак з дня рэалізацыі. Пры пакупцы праязнога білета на колькасць сутак неабходна паведаміць дату пачатку дзеяння праязнога білета. У выпадку калі пасажыр не паведаміць дату, з якой павінна пачацца дзеянне праязнога білета, праязны пачне дзейнічаць з дня рэалізацыі. Дадзены від праязнога білета можна папоўніць у касах метрапалітэна, у тым ліку да заканчэння тэрміну яго дзеяння. Максімальная колькасць сутак, на якую можна папоўніць праязны білет, – 45.
На 10, 30, 40, 60 паездак. Дадзены від праязнога білета можна папоўніць у касах метрапалітэна. Максімальная колькасць паездак, да якой можна папоўніць праязны білет, – 60 паездак.

Тэрміны рэалізацыі праязных білетаў:

на месяц – з 15-га чысла папярэдняга месяца па 10-е чысло бягучага месяца.
на перыяд 10, 15 і 30 сутак з любой даты (па жаданні пасажыра) - у момант звароту не раней за 30 сутак да пачатку дзеяння білета.
на пэўную колькасць паездак (10, 30, 40 і 60) – у момант звароту.

Пры ўзнікненні спрэчных пытанняў на станцыях па прыдатнасці бескантактных смарт-карт метрапалітэна неабходна звяртацца ва Упраўленне метрапалітэна па адрасе: пр-т Незалежнасці, 6а, пам. 102. Час работы: з 08.00 да 20.00 гадзін, выхадныя дні – субота, нядзеля, тэл. 270-40-87, 383-81-14, 383-81-15.

Каб пазбегнуць выхаду са строю карт, рэкамендуем акуратна абыходзіцца з імі (не перагінаць, не ламаць, насіць у спецыяльным чахле).

БСК-Мінсктранс

Праязны білет на бескантактнай смарт-карце дзяржаўнага прадпрыемства «Мінсктранс»

Залогавы кошт паказаны на карце.

На БСК Мінсктранс рэалізуюцца ўсе віды праязных білетаў. Папоўніць праязны білет можна ў касах метрапалітэна, а таксама самастойна праз АРІП.

На БСК Мінсктранс можна запісаць некалькі праязных білетаў. На дадзенай карце маецца магчымасць запісу тэрміновага праязнога білета загадзя на наступны перыяд з захаваннем дзеяння праязнога білета на папярэдні перыяд без замены БСК.

Віды праязных білетаў:

На месяц. Сапраўдны на працягу каляндарнага месяца.
На 1, 3 сутак (турыстычны) на аўтобус, тралейбус, трамвай, метро. Дата пачатку тэрміну дзеяння білета можа быць вызначана пасажырам пры пакупцы білета і ўстанаўліваецца пры продажы, але не больш за 30 сутак з дня рэалізацыі. Пры пакупцы праязнога білета на колькасць сутак неабходна паведаміць дату пачатку дзеяння праязнога білета. У выпадку, калі пасажыр не паведаміць дату, з якой павінна пачацца дзеянне праязнога білета, праязны пачне дзейнічаць з дня рэалізацыі.
На 10, 15, 30 сутак на метро, або аўтобус, або тралейбус, або трамвай, а таксама адзіны праязны білет (аўтобус, тралейбус, трамвай, метро). Дата пачатку тэрміну дзеяння білета можа быць вызначана пасажырам пры пакупцы білета і ўстанаўліваецца пры продажы, але не больш за 30 сутак з дня рэалізацыі. Пры пакупцы праязнога білета на колькасць сутак неабходна паведаміць дату пачатку дзеяння праязнога білета. У выпадку, калі пасажыр не паведаміць дату, з якой павінна пачацца дзеянне праязнога білета, праязны пачне дзейнічаць з дня рэалізацыі.
Праязны білет на 3, 5, 10, 30 сутак, сумешчаны з паяздамі гарадскіх ліній. Дзейнічае, пачынаючы з часу першага выкарыстання.
На 1, 3, 7, 10, 25, 30, 40, 60 паездак на 3 віды транспарту (аўтобус, тралейбус, трамвай). Тэрмін дзеяння праязнога білета на 10, 30, 40, 60 паездак – 120 сутак з даты апошняга папаўнення; 1, 3, 7, 25 паездак 365 сутак з даты апошняга папаўнення.
На 10, 30, 40, 60 паездак для праезду ў метрапалітэне. Тэрмін дзеяння праязнога білета на 10, 30, 40, 60 паездак – 120 сутак з даты апошняга папаўнення.

У выпадку некарэктнай работы праязнога дакумента на БСК «Мінсктранс» Карыстальнік можа звярнуцца для атрымання тлумачэнняў аб далейшых дзеяннях па тэлефоне Аператара, указаным на праязным дакуменце.

Інфармуем, што для аднаўлення тарыфаў БСК Мінсктранс з поўнасцю або часткова сцёртым нумарам для яе ідэнтыфікацыі карта можа быць накіравана на экспертызу на прадпрыемства - вытворца. Тэрмін правядзення экспертызы - не больш за 5 працоўных дзён з моманту звароту.

У выпадках, калі вызначыць нумар карты ў аўтаматызаванай сістэме аплаты і кантролю праезду і (або) прадпрыемствам-вытворцам карт не ўяўляецца магчымым, тарыфы, запісаныя на дадзеную карту, не аднаўляюцца.

Каб пазбегнуць выхаду са строю, а таксама для захавання спажывецкіх уласцівасцей карт, рэкамендуем выконваць Правілы карыстання бескантактнай смарт-картай дзяржаўнага прадпрыемства "Мінсктранс", а таксама своечасова рабіць замену БСК, на якіх поўнасцю або часткова адсутнічае нумар карты.

Аплата банкаўскай картай

Вы можаце аплаціць праезд у метрапалітэне пры дапамозе бескантактавых банкаўскіх картак плацежнай сістэмы Белкарт і банкаўскіх картак яе плацежных сістэм партнераў.

Для гэтага прыкладзіце картку да валідатара, размешчанага на верхняй накрыўцы турнікета і абазначанага адпаведным лагатыпам. Пры паспяховай аплаце праход праз турнікет будзе дазволены і з рахунка вашай карткі будзе аўтаматычна спісаны кошт паездкі.

У выпадку ўзнікнення запазычанасці пры аплаце праезду бескантактавай банкаўскай плацежнай карткай на валідатарах Мінскага метрапалітэна картка пападае у стоп-ліст. Для вынятку карткі са стоп-ліста папоўніце картачны рахунак і пагасіце запазычанасць праз асабісты кабінет пасажыра на сайце paybycard.by па кнопцы "Пагасіць".

Інфармуем, што банкам прадугледжаны механізм запатрабавання запазычанасці, пры гэтым інтэрвал запатрабавання - 24, 48, 72, 96, 120, 144, 168, 192, 216, 240, 264, 288, 312, 336, 360, 384, 408, 432, 456, 480, 504, 528, 552, 576, 600, 648, 696, 744, 792, 840, 960, 1080, 1200, 1320, 1440 гадзін.

Пры неабходнасці атрымання дадатковай інфармацыі і электронных карт-чэкаў па ўчыненых плацяжах банкаўскай бескантактавай карткай звяртайцеся на партал paybycard.by. Зварот у службу падтрымкі сэрвісу можна накіраваць на электронную пошту hotline@paybycard.by.

Кансультацыю таксама можна атрымаць па нумарам:

+375 29 306 04 74 (А1)
+375 29 823 46 48 (МТС)
+375 17 217 53 60

Каб пазбегнуць непажаданага спісвання паездак або грашовых сродкаў, неабходна прыкладаць да валідатара менавіта тую картку, з дапамогай якой пасажыр жадае аплаціць праезд.