Аб метрапалiтэне

Мінскі метрапалітэн  адкрыты 29 чэрвеня 1984 года.
Метрапалітэн – найбольш камфартабельны, надзейны, экалагічна чысты від гарадскога пасажырскага транспарту з дастаткова высокай скорасцю перавозкі пасажыраў.
Па выніках 2017 года ўдзельная вага метрапалітэна ў перавозках пасажыраў гарадскімі відамі транспарту склала 39,97 %, паказчык сярэднясутачнай перавозкі пасажыраў – 779,0 тыс. чалавек у суткі. 
Інвентарны парк вагонаў – 361 адзінка, з  якіх сфарміравана 37  пяцівагонных саставаў на першай лініі і 35 – на другой. 
Колькасць работнікаў метрапалітэна – каля 5 тыс. чалавек. 
Асноўны від дзейнасці – перавозка пасажыраў. 
Метрапалітэн рэалізуе наступныя дадатковыя паслугі: 
– аўтатранспартныя паслугі; 
– паслугі арэнды памяшканняў;
– паслугі па рэалізацыі білетаў для наземнага транспарту; 
– рэкламныя паслугі (размяшчэнне  рэкламы на станцыях і ў вагонах метрапалітэна).